நீண்ட ஆயுளுடன் ஆரோக்கியமாக இருக்க சாப்பிட வேண்டிய சில உணவுகள்,,!

 நீண்ட ஆயுளுடன் ஆரோக்கியமாக இருக்க  சாப்பிட வேண்டிய சில உணவுகள்,,!

உயிரை நீண்ட நாட்களுக்குப் பாதுகாக்க வேண்டுமென்றால் அதற்கு உடலை ஆரோக்கியமாக வைத்துக் கொள்ள வேண்டியது எவ்வளவு முக்கியம் என தெரிந்து கொள்ள முடியும். நீண்ட ஆயுளுடன் ஆரோக்கியமாக இருக்க வேண்டுமென்றால் அதற்கு சாப்பிட வேண்டிய சில சூப்பர் உணவுகளைப் பற்றி இங்கு தெரிந்து கொள்ளலாம்.

உடல் ஆரோக்கியத்தைப் பாதுகாக்க வேண்டுமென்றால் அதற்கு அடிப்படையான விஷயம் உணவு தான். ஆன்டி ஆக்சிடண்ட்டுகளும் வைட்டமின்கள் மற்றும் மினரல்கள் நிறைந்த ஆரோக்கியமான உணவுகளைத் தேர்ந்தெடுத்து சாப்பிட வேண்டியது முக்கியம்.

​ஆரோக்கிய டயட்

ஒரு ஆரோக்கியமான டயட் என்றால் எப்படி இருக்க வேண்டும் என்று உலக சுகாதார நிறுவனம் (World Health Organization) அதற்கு சில வரைமுறைகளை வைத்திருக்கின்றன.

ஆரோக்கிய டயட் என்றால்,

அரிசி, கோதுமை, பார்லி உள்ளிட்ட தானிய வகைகள்,

பருப்பு வகைகள் மற்றும் பீன்ஸ் வகைகள்,, நட்ஸ் வகைகள்,

காய்கறிகள் மற்றும பழங்கள்,

பால். முட்டை, மீன், இறைச்சி உள்ளிட்ட விலங்கு புரதங்கள்,

உள்ளிட்டவை அடங்கிய உணவாக இருப்பது தான் ஹெல்தியான டயட்டாக இருக்கும் என்று குறிப்பிடுகிறது.

​பூ காய்கறிகள்

கேலே, காலிஃபிளவர், ப்ரக்கோலி ஆகியவற்றை ஊட்டச்சத்துக்களின் பவர்ஹவுஸ் என்று சொல்வார்கள். அந்த அளவிற்கு வைட்டமின்களும் மினரல்களும் ஆன்டி ஆக்சிடண்ட்டுகளும் நிறைந்து இருக்கும்.

இந்த வகை காய்கறிகள் உமலின் ஹார்மோன் சமநிலையை சீராக்குவதோடு, இயற்கையாகவே உடல் தன்னைத்தானே சுத்தம் செய்து டீடாக்ஸ் செய்து கொள்ளும் வேலையைச் செய்கிறது.

​நட்ஸ் வகைகள்

​நட்ஸ் வகைகள் உடலுக்குத் தேவையான புரதங்கள் மற்றும் மினரல்கள் நிறைந்து இருக்கின்றன. vital vitamins என்று அழைக்கப்படுகிற சில சக்திவாய்ந்த வைட்டமின்களும் இந்த நட்ஸ் வகைகளில் இருக்கின்றன.

நட்ஸ் வகைகளை தினசரி உணவில் சேர்த்துக் கொள்வதன் மூலம் கொலஸ்டிரால் அளவு குறைகிறது. இதனால் 35 சதவீதம் வரைக்கும் இதய நோய் ஆபத்துகள் ஏற்படுவதைத் தவிர்க்க முடியும்.

விதைகள்

​பூசணி விதை, சூரியகாநதி விதை, வெள்ளரி விதை, சியா விதை, ஆளி விதை உள்ளிட்ட விதைகளை தினமும் சிறிதளவேனும் நம்முடைய டயட்டில் சேர்த்துக் கொள்ள வேண்டும்.

இந்த விதைகள் உடவில் பைட்டோஈஸ்ட்ரஜென்ஸ்களை எதிர்த்துப் போராடும் ஆற்றல் கொண்டது. இது மார்பகப் புற்றுநோய் உள்ளிட்ட புற்றுநோய்கள் வரை வராமல் தடுக்க உதவி செய்யும்.

​பெர்ரி வகைகள்

பெர்ரி வகை பழங்கள் ஆன்டி ஆக்சிடண்ட்டுகள் நிறைந்தவை. .இந்த பெர்ரி வகை பழங்கள் உடலில் உள்ள ப்ரீ - ரேடிக்கல்ஸை எதிர்த்துப் போராடும் தன்மை கொண்டது.

பெர்ரி வகை பழங்கள் எடுத்துக் கொள்வதன் மூலம் உடலில் ஏற்படும் இன்ஃபிளமேஷன்கள் ஏற்படுவது தடுக்கப்படும். வயதாவதை தடுத்து இளமையாக வைத்திருக்கும். வாழ்நாளை நீட்டித்து ஆரோக்கியமாக வைத்திருக்கும்.

​மாதுளை 

மாதுளை பழம் ரத்தத்தைச் சுத்திகரித்து, ரத்தத்தில் உள்ள டாக்சின்களை வெளியேற்றும் ஆற்றல் கொண்டது. ரத்தத்தில் ஹீமோகுளோபின் உற்பத்தியை அதிகரிக்கும்.

மாதுளை பழத்தில் புற்றுநோய் எதிர்ப்பு பண்புகள், இதய ஆரோக்கியத்தை மேம்படுத்துதல், மூளையின் செயல்பாட்டை மேம்படுத்தி அல்சைமர், டிமென்ஷியா உள்ளிட்டவற்றை தடுக்கும்.

​பீன்ஸ் வகைகள்

பீன்ஸ் வகைகளில் நிறைய நார்ச்சத்துக்கள், வைட்டமின்கள், மினரல்கள், தாதுக்கள நிறைந்து இருக்கின்றன. குறிப்பாக புரதங்கள் அதிக அளவில் இருக்கின்றன.

பீன்ஸ் வகைகளை தினசரி உணவில் சேர்த்துக் கொள்வதன் மூலம், அதிகப்படியான பசியைக் கட்டுப்படுத்தும். தசை வளர்ச்சியை அதிகரிக்கும். ரத்த சர்க்கரை அளவைச் சீராக வைத்திருக்கும்.

ஜீரண மண்டலத்தின் செயல்பாட்டை மேம்படுத்தும். அதோடு பீன்ஸ் வகைகள் குடல் புற்றுநோய் ஏற்படாமல் தடுக்கும் ஆற்றலைக் கொண்டிருக்கிறது.

காளான்

வைட்டமின் டி நிறைந்து இருக்கிற மிகக் குறைவான உணவுகளில் காளானும் ஒன்று. காளானில் நார்ச்சத்துக்கள், புரதங்கள் உள்ளிட்டவற்றோடு நிறைய மினரல்களும் இருக்கின்றன.

தொடர்ச்சியாக உணவில் காளானில் சேர்த்து வர, அவற்றிலுள்ள புற்றுநோய் எதிர்ப்பு பண்புகள் மார்பகப் புற்றுநோய், கருப்பை புற்றுநோய் உள்ளிட்டவை வராமல் தடுக்க உதவி செய்யும்.

வெங்காயம்

​வெங்காயம் நம்முடைய தினசரி உணவில் கட்டாயம் சேர்க்கிறோம்.அதை வெறும் சுவைக்காக என்று மட்டும் நினைத்துக் கொண்டிருக்கிறோம். ஆனால் வெங்காயத்தில் ஏராளமான ஆரோக்கிய நன்மைகள் இருக்கின்றன.

இந்த வெங்காயத்தில் சல்பர், வைட்டமின் சி உள்ளிட்டவற்றோடு நிறைய தாது உப்புகளும் இருக்கின்றன. இதை தினமும் சாப்பிடுவது நல்லது. அதிலும் பச்சை வெங்காயத்தை தினமும் சாப்பிட்டு வருவதால் வயிறு மற்றும் விதைப்பை புற்றுநோய் வராமல் தடுக்க முடியும்.

பூண்டு

பூண்டில் உள்ள அல்லிசின் என்னும் ஆன்டி ஆக்சிடண்ட்டும் புற்றுநோய் எதிர்ப்பு பண்புகளைக் கொண்டிருக்கிறது.

அதோடு கார்சினோசின் உள்ளிட்ட ஆன்டி ஆக்சிடண்ட்டுகள் ஒட்டுமொத்த உடலில் இருக்கும் கழிவுகளையும் வெளியேற்றி சுத்தம் செய்யும். அதோடு உடலில் கேன்சர் செல்களின் வளர்ச்சியைத் தடுத்து நிறுத்தும் ஆற்றல் கொண்டது.