சர்க்கரை நோய் மற்றும் உடல் பருமன் பிரச்சனைகள் உட்பட பல நோய்களுக்கு தீர்வளிக்கும் பாகற்காய் ஜுஸ்:இதனை தயார் செய்வது எப்படி?

சர்க்கரை நோய் மற்றும் உடல் பருமன் பிரச்சனைகள் உட்பட பல நோய்களுக்கு தீர்வளிக்கும் பாகற்காய் ஜுஸ்:இதனை தயார் செய்வது எப்படி?

வைட்டமின் சி, இரும்பு, மெக்னீசியம், பொட்டாசியம், கால்சியம், பீட்டா கரோட்டின் மற்றும் ஃபைபர் போன்ற முக்கிய ஊட்டச்சத்துக்களின் பவர் ஹவுசாக இருக்கிறது பாகற்காய். 

 கசப்பு சுவை மிக்க பாகற்காய் நாள்பட்ட நீரிழிவு, மலச்சிக்கல், இருமல், ஆஸ்துமா உள்ளிட்ட பல கோளாறுகளுக்கு சிறந்த மருந்தாக இருக்கிறது. 

 நீரிழிவு நோயாளிகளுக்கு முக்கியம் :

 சக்திவாய்ந்த மருத்துவ குணங்களை கொண்ட பாகற்காய் நீரிழிவு தொடர்பான நிலைமைகளுக்கு சிகிச்சையளிக்க உலகெங்கிலும் உள்ள மக்களால் நீண்ட காலமாக பயன்படுத்தப்படுகிறது. ரத்த சர்க்கரையை கட்டுப்படுத்துவதில் பாகற்காய் பெரும்பங்கு வகிப்பது ஆய்வுகள் மூலமும் உறுதிப்படுத்தப்பட்டு உள்ளன. எனவே ரத்தத்தில் குளுக்கோஸ் அளவை குறைக்க வேண்டிய அவசியம் உள்ள நீரிழிவு நோயாளிகள் பாகற்காய் ஜூஸை அருந்துவது மிகவும் நன்மை அளிக்கும். 

 கேன்சர் தடுப்பு 

கசப்பு பூசணி என்று குறிப்பிடப்படும் பாகற்காயில் புற்றுநோய் எதிர்ப்பு பண்புகள் இருப்பது ஆய்வுகள் மூலம் நிரூபிக்கப்பட்டுள்ளது நோய் எதிர்ப்பு சக்தியை அதிகரிக்க செய்வதோடு ஒவ்வாமை மற்றும் தொற்றிலிருந்து தடுக்கும் குணம் கொண்ட பாகற்காய் முக்கியமாக புற்றுநோயை எதிர்த்துப் போராட உதவுகிறது. பாகற்காய் ஜூஸை சீரான இடைவெளியில் குடித்து வருவது புற்றுநோய் செல்கள் பெருக்கத்தை கட்டுப்படுத்தி கட்டி உருவாவதை நிறுத்துகிறது. மார்பக, பெருங்குடல் மற்றும் புரோஸ்டேட் புற்றுநோய் ஆபத்தும் இதன் மூலம் கணிசமாக குறைகிறது. 

 எடை இழப்பு

குறைவான கலோரி மற்றும் ஃபைபர் சத்து நிறைந்திருப்பதால் பாகற்காய் ஜூஸ் அருந்துவது எடை இழப்பிற்கு உதவுகிறது. மேலும் வளர்சிதை மாற்றத்தை மேம்படுத்துகிறது. 

தவிர இதில் காணப்படும் ஆன்டிஆக்ஸிடன்ட்கள் உடலினுள் இருக்கும் நச்சு தன்மையை குறைக்கின்றன, ரத்த ஓட்டத்தை மேம்படுத்த உதவுகிறது. 

 வைரஸ் தடுப்பு பண்புகள் : 

 பாகற்காயில் காணப்படும் சக்திவாய்ந்த வைரஸ் தடுப்பு பண்புகள் கொடிய எச்.ஐ.வி.யின் அறிகுறிகளான வொயிட் ஸ்பாட் சின்ட்ரோம் மற்றும் மனித நோயெதிர்ப்பு குறைபாடு வைரஸ் (human immunodeficiency virus) போன்ற வைரஸ் நோய்களை எதிர்த்து போராட உதவுகிறது.

 பாகற்காய் ஜூஸின் பல பண்புகள் வெப்பநிலையைப் பொறுத்தது. எனவே தவறான முறையில் பாகற்காய் ஜூஸ் ப்ராசஸ்டு செய்யப்பட்டால் அது செரிமான அமைப்புக்கு தீங்கு ஏற்படுத்தி வாந்தி மற்றும் வீக்கம் உள்ளிட்ட கோளாறுகளுக்கு வழிவகுக்கும். 

 செய்முறை

  பாகற்காய் சாறு தயாரிக்கும் போது, ​​தோலை அகற்ற வேண்டாம். ஏனெனில் தோல் அதிகபட்ச நன்மைகள் மற்றும் ஊட்டச்சத்துக்கள் நிறைந்தது. 

 விதைகள் போதுமான மென்மையாக இருந்தால், நீங்கள் விதைகளை அகற்ற வேண்டியதில்லை. 

 பாகற்காய் மற்றும் இஞ்சியை ஜூசரில் வைத்து சாறு எடுக்கவும். வெளிவரும் முதல் சாறு மிகவும் அடர்த்தியானது, எனவே ஜூஸரில் சிறிது தண்ணீர் சேர்த்து மீதமுள்ள கூழில் இருந்து சாற்றை பிழியவும். 

 ஒரு ஜாடியில் சாற்றை ஊற்றி, எலுமிச்சை சாறு, மஞ்சள் தூள், கருப்பு உப்பு, தேன், உப்பு, கருப்பு மிளகு தூள், புதினா இலைகள் உட்பட மீதமுள்ள அனைத்து பொருட்களையும் சேர்த்து நன்கு கிளறவும்.

 செறிவைச் சரிபார்த்து, சரிசெய்ய தண்ணீரைச் சேர்க்கவும். உப்பு மற்றும் சுவை அளவை சரிபார்த்து தேவைக்கேற்ப சரிசெய்யவும். பாகற்காய் ஜூஸை உடனடியாக பருக வேண்டும்.